I Concurso Gastronómico Galego con la participación de los alumnos del C.I.F.P. Compostela.

Gañador:
Egoitz Urkijo Cerro

CARLOTA DE IOGUR E MEL CON MOUSSE E GUIRLACHE DE ABELáS

INGREDIENTES: 7 ovos, 200 g azucre, 200 g fariña, 0,04 l leite, 0,12 l leite condensado, 8 g leite en po, 2 unidades de iogur, 10 unidades de xelatina, 0,46 l nata líquida, 24 g praliné abelás, 80 g gianduia abelás, 400 g mel de Galicia, 200 g abelás, 0,03 l augardente de mel.

Biscoito: espónxanse as xemas azucradas e as claras e engádese ao final o azucre. Xúntanse ambas as dúas e engádese a fariña en forma de chuvia. Enfórnase e dáse forma cunha manga pasteleira. Disponse sobre os moldes. Emborráchase cunha redución de mel con augardente e auga.
Guirlache de abelás: acaramélase o mel e engádense as abelás picadas. En quente, estírase cun rolo e córtanse uns discos para a carlota e unhas tiras para decorar. Cos recortes faise un po de guirlache. Sobre o guirlache da carlota ponse unha capa de mousse de abelás; para conseguila, férvese nata co praliné e a gianduia de abelás e engádense xelatinas e nata semimontada. Sobre a mousse, un pouco de crocante de abelá.
Bavaroise de iogur: faise crema inglesa e engádense xelatinas, iogur e nata semimontada. Énchense as carlotas e refrixéranse. Nápase o bavaroise cunha gelleé de mel que se obtén ao acaramelar o mel rebaixado con auga e as xelatinas.
Para decorar o prato, fanse unhas xelatinas de mel e unha salsa toffe de mel acaramelando este e rebaixándoo con nata.
Para decorar a carlota, mestúranse o leite condensado e a fariña para enfornar a mestura en pequenos paíños.

Consello Regulador Indicación Xeográfica Protexida "Mel de Galicia". Pazo de Quián, s/n. Sergude. 15881 Boqueixón. A Coruña. Tel/Fax. 981511913 / info@mieldegalicia.org