I Concurso Gastronómico Galego con la participación de los alumnos del C.I.F.P. Compostela.

FINALISTA:
Yolanda López Favorecido

SEMIFRÍO DE CREMA IRLANDESA SOBRE XELATINA DE EXPRESO, GALLETA E CREMA AO MEL

INGREDIENTES: Semifrío de Baileys: 50 g manteiga, 1,20 l tona líquida, 150 g queixo mascarpone, 60 g azucre, 6 ovos, 1,20 l Baileys, 120 g Digestives (con chocolate con leite), 3 g colas de peixe. Xelatina de café: 3 unidades café picolino, 20 g azucre, 3 g colas de peixe. Crema de mel: 500 dl tona líquida, 5 xemas, 90 g Mel de Galicia. Caramelo de café: 20 dl café, 200 g azucre. Caramelo de mel: 30 g Mel de Galicia, 20 dl auga, 100 g azucre.

Semifrío e a galleta: mestúranse as xemas dos ovos co azucre e a metade do Baileys. Mestúrase a tona semimontada coas claras a punto de neve e coa xelatina previamente disolta nun pouco de auga quente. Engádeselle a esta mestura a anterior pouco a pouco. Vértese no molde e arrefríase. As Dixestives desfanse e mestúranse coa manteiga derretida. Facemos dúas placas finas da medida do molde.
Xelatina de café: engádeselle o azucre ao café quente e a xelatina hidratada.
Crema de mel: lévase a ebulición a tona co mel, retírase do lume e engádenselle pouco a pouco as xemas xa batidas. Pasamos polo termomix e coamos. Deixamos repousar no frigorífico. Montamos co batedor.
Para os caramelos: quentamos os ingredientes a punto de caramelo.
Sobre prato cadrado branco. O semifrío no centro, sobre a galleta e a xelatina de café, co que saen diferentes cores e texturas. Ao lado esquerdo da crema de mel en forma harmoniosa, disponse o caramelo sobre o prato.

Consello Regulador Indicación Xeográfica Protexida "Mel de Galicia". Pazo de Quián, s/n. Sergude. 15881 Boqueixón. A Coruña. Tel/Fax. 981511913 / info@mieldegalicia.org