I Concurso Gastronómico Galego con la participación de los alumnos del C.I.F.P. Compostela.

Gañadora:
María Torres Martínez

Mouse de queixo e mel á augardente

INGREDIENTES:Crema: 120 g Queixo Arzúa-Ulloa, 70 ml leite, 40 g queixo crema, 50 g azucre, 125 ml tona, 2 xemas, 5 g xelatina en follas, 5 ml augardente, Mel de Galicia U/P, 60 g cacahuetes pelados. Tortiñas: 60 ml leite, 15 g azucre, 1 ovo, 60 g fariña, 6 g lévedo en po, 15 g manteiga, sal U/P. Crocante: 120 g azucre, 80 g améndoa picada, 5 gotas limón. Decoración: 60 g cobertura negra, 40 g manteiga de cacao, 3 guindas vermellas, 3 ramas menta fresca.

Tortiñas: mesturar ovo, azucre, sal, fariña barutada co lévedo e, pouco a pouco, incorporar o leite. Mesturar a manteiga fundida. Tapar cun pano e deixar repousar. Cociñar as tortiñas sobre a prancha.
Crema: hidratar a xelatina en auga fría durante 10 minutos. Cortar o Queixo Arzúa-Ulloa en anacos. Engadir o leite quente e pasar pola termomix, ata obter unha pasta cremosa. Mesturar o resto do queixo e reservar.
Levantar as xemas ao baño maría con 25 g de azucre, ata que faga cordón. Engadir a xelatina remollada. Remover e, cando perda a calor, engadir a augardente e o recheo de queixo. Semi-montar a tona con 25 g de azucre. Xuntar ata que quede unha crema homoxénea.
Crocante: caramelizar lixeiramente o azucre cunhas gotas de limón. Incorporar as améndoas. Verter sobre unha mesa de mármore untada de aceite e, cando arrefríe, estirar co rodo, cortar da forma desexada e formar as pezas.
Presentación: dispoñer un aro sobre a tortiña, encher coa crema de queixo, por capas, intercalar o mel. Poñer ao frío ata que calle. Desmoldar, colocar os cacahuetes picados enriba e pintar a pistola con chocolate negro. Adornar con crocante, guindas vermellas e follas de menta.

Consello Regulador Indicación Xeográfica Protexida "Mel de Galicia". Pazo de Quián, s/n. Sergude. 15881 Boqueixón. A Coruña. Tel/Fax. 981511913 / info@mieldegalicia.org